「留號」係當押業術語。點解會有呢個功能？佢又有甚麼用途？
當「當票」到期而顧客未有贖回時，按照正常程序，該當票應該「斷當」。不過，從當舖嘅角度而言，將貨品斷當後出售，賺取較高利潤，並不一定係最理想嘅做法。因為斷當亦代表當舖會失去持續嘅利息收入，而當舖重視嘅主要係利息收入。當然，以較低金額收當，再以較高價格出售嘅情況則屬例外。
因此，系統設計咗「留號」功能，意思係暫時保留該號牌，即該張當票，不立即將其視為斷當並容許貨品出售，從而保留機會畀顧客日後贖回。
至於需要保留多長時間、是否必須留號、何時取消留號，或者何時決定出售留號貨品，完全由操作人員決定，系統不參與相關決策。